Энэ мэдээ хуучирсан буюу 2021/01/15-нд нийтлэгдсэн мэдээ болно.

БНАСАУ алсын тусгалтай баллистик пуужингуудаа танилцуулжээ

Ангилал
Дэлхий дахинд
Огноо
Унших
1 минут 19 секунд

БНАСАУ-ын нийслэл Пёньян хотод пүрэв гаргийн орой Солонгосын Хөдөлмөрийн намын VIII их хуралд зориулсан хүндэтгэлийн цэргийн сүрт жагсаал болжээ.

Солонгосын төв цахилгааны мэдээний агентлагийн мэдээлснээр, парадын үеэр шумбагч онгоцноос харвах алсын тусгалтай баллистик пуужингуудыг танилцуулжээ.

БНАСАУ Зэвсэгт хүчний хүчин чадлыг харуулж, дэлхийн хамгийн хүчирхэг зэвсэг болох шумбагч онгоцноос харвадаг алсын тусгалтай баллистик пуужингуудыг талбай дээр нэг бүрчлэн үзүүллээ хэмээн “КСNA” агентлаг мэдээлсэн байна.

Цэргийн парад Пёньян хотын Ким Ир Сений нэрэмжит талбайд болж, БНАСАУ-ын удирдагч Ким Жөн Ун арга хэмжээнд оролцжээ. Энэ үеэр мөн тактикийн пуужин, өөрөө явагч их бууны суурилалтуудын шинэ загваруудыг үзүүлжээ.

Хөдөлмөрийн намын VIII их хурал 1 дүгээр сарын 5-наас 12-ны хугацаанд болсон юм. Өмнөх их хурал 2016 оны 5 дугаар сард болсон. Хамгийн сүүлд БНАСАУ-д 2020 оны 10 дугаар сард Солонгосын Хөдөлмөрийн нам үүсгэн байгуулагдсаны 75 жилийн ойд зориулсан цэргийн парад болжээ.

Зах, бөөний төвүүдийн НӨАТ-ын баримт олголтыг шалгаж байна
Зах, бөөний төвүүдийн НӨАТ-ын баримт олголтыг шалгаж байна
 
Төрийн албан хаагчдын цалин ирэх даваа гарагаас 100-150 мянган төгрөгөөр нэмэгдэнэ
Төрийн албан хаагчдын цалин ирэх даваа гарагаас 100-150 мянган төгрөгөөр нэмэгдэнэ
Энэ мэдээ хуучирсан буюу 2021/01/15-нд нийтлэгдсэн мэдээ болно.