УИХ-ын гишүүн О.Батнайрамдал "Улсын Их Хурлын 2025 оны 120 дугаар тогтоолын хэрэгжилтийн талаар" Монгол Улсын Ерөнхий сайдад хандан асуулга тавьжээ. Тус асуулгад Оюу толгойтой холбоотой зургаан багц асуудал багтсан байна.

Тухайлбал, Оюу толгой ХХК-ийн 2024-2025 оны хараат бус аудитын компаниар аудитлагдсан, баталгаажсан санхүүгийн дэлгэрэнгүй тайлан, тус компанийн 2024-2025 онд Рио Тинто болон түүний хамаарал бүхий этгээдүүдэд шилжүүлсэн ба шилжүүлэхээр бүртгэсэн зардал, зээлийн талаарх мэдээллүүд зэрэг багтжээ.