НИТХ-ын ээлжит бус хуралдаан болж, НИТХ-ын дарга А.Баярыг олонхын саналаар огцруулсан билээ. Хуралдаанд нийт 31 төлөөлөгч оролцсоноос 29 нь дэмжсэн. Сануулахад, НИТХ-ын дарга А.Баярыг төсвийн мөнгийг зориулалтын бусаар зарцуулсан гэх үндэслэлээр 30 гаруй төлөөлөгч гарын үсгээ зураад байсан юм.

Тэгвэл А.Баярын оронд НИТХ дахь МАН-ын бүлгийн дарга Д.Ихбаярыг олонхын саналаар дэмжиж, НИТХ-ын даргаар сонголоо. Д.Ихбаяр нь 2020 оноос НИТХ-ын төлөөлөгчөөр сонгогдон ажиллаж буй бөгөөд мөн 2025 оны 12-р сараас эхлэн Ерөнхийлөгчийн Байгаль орчин, ногоон хөгжлийн бодлогын зөвлөхөөр ажиллаж эхэлсэн юм.