Өчигдөр 18.00 цагийн үед НИТХ ээлжит бусаар хуралдаж, А.Баярыг НИТХ-ын даргаар огцруулсан билээ. Түүнийг сүүлийн хоёр сарын хугацаанд НИТХ-ыг хуралдуулаагүй, төсвийн мөнгийг зориулалтын бусаар зарцуулсан зэрэг үндэслэлээр огцруулах бичигт 28 төлөөлөгч гарын үсэг зурсан.
Улмаар өчигдрийн хуралдаанд оролцсон 31 төлөөлөгчийн 29 нь дэмжсэнээр А.Баярыг огцруулсан юм. Түүний оронд НИТХ дахь МАН-ын бүлгийн даргаар ажиллаж байсан Д.Ихбаярыг нэр дэвшүүлж, МАН-ын Удирдах зөвлөлд танилцуулахаар болсон. Тэрбээр энэ шийдвэрийг хууль бус гэж үзэж буй бөгөөд өнөөдөр 12.00 цагаас мэдээлэл хийхээр болжээ.
