Дуудлагын жолоочид дээрэмдүүлсэн гэх дуудлага, мэдээлэл 2026 оны гуравдугаар сарын 1-ний өдрийн 04:00 цагийн орчимд цагдаагийн байгууллагад бүртгэгджээ. Тодруулбал, нэр бүхий иргэн нь согтууруулах ундааны зүйл хэрэглэсэн үедээ дуудлагын жолооч дуудсан байна. Өөрийгөө жолооч хэмээсэн бүлэг этгээд үйлчлүүлэгчийн биед халдаж, гар утас, үнэт эдлэлийг нь дээрэмдсэн аж.

Уг хэргийг Баянгол дүүргийн цагдаагийн газраас шалгаж байна.

Иймд иргэд та бүхэн архи согтууруулах ундааны зүйл хэрэглэсэн үедээ аюулгүй байдлаа ханган баталгаат такси, дуудлагын жолоочийн үйлчилгээ авахыг цагдаагийн байгууллагаас анхааруулж байна.