Өсвөр насны охидууд нэгнийгээ хэрцгийгээр зодож, шалдлан, дараа нь хувцсыг өмсүүлж буй бичлэг цахим орчинд цацагдаад байна. Улмаар эл хэрэгт холбогдуулан хувийн болон улсын сургуулийн 8 хүүхдийг холбогдуулан шалгаж буй. Тэгвэл эл хэрэгт холбогдуулан Ерөнхий сайд Г.Занданшатар өнөөдөр ЗГ-ын хуралдааны үеэр холбогдох сайд нарт үүрэг чиглэл өглөө. Тодруулбал, тэрбээр "БЯ ажилдаа дүгнэлт хийж, хүүхдүүдтэй холбоотой асуудалд холбогдох албан тушаалтнуудад хариуцлага тооц. Хариуцлага тооцож байна гээд хэдэн багш нартаа тохож болохгүй. Соёлын яам зүй бус үг хэллэг, гэмт хэрэгт уриалан дуудсан бүтээлд тавих хяналтаа чангатга" гэлээ.
