Хөвсгөл аймагт тарваган тахлын батлагдсан тохиолдол илэрч, тус аймгаас гарах хөдөлгөөнийг хязгаарлаад буй билээ. Тэгвэл нөхцөл байдлын талаар Эрүүл мэндийн яамнаас цаг үеийн асуудлаар мэдээлэл өглөө.
Тус яамны Төрийн нарийн бичгийн дарга Д.Очирбат хэлэхдээ "Есдүгээр сарын 3-нд анхны тохиолдол бүртгэгдсэнээс хойш өнөөдрийн байдлаар нийт гурван тохиолдол батлагдсаны нэг нь нас бараад байна. Дээрх гурван тохиолдлын нэгдүгээр хавьтлаар 96 хүнийг тодорхойлж тусгаарласан. Мөн эмнэлгийн ажилтнуудаас 41 болон гэр бүл, ойрын хүрээллийн 55 хүнийг тусгаарлаад байна.
Тарваган тахал нь маш хурдан тархацтай, хоруу чанар ихтэй. Тахлын нян нь 60 хэмийн халуунд тэсвэржилтээ алдаж үхдэг" гэлээ.
