Засгийн газрын хуралдаанаас гаргасан шийдвэрүүдийг танилцууллаа. Энэ үеэр Тэргүүн Шадар сайд бөгөөд Эдийн засаг, хөгжлийн сайд Н.Учрал, "Ирэх намрын чуулганаар Хөгжлийн 5 жилийн үндсэн чиглэлийг оруулна. Үүгээр зарим төслүүдийг хасах, үе шаттайгаар хойшлуулах арга хэмжээ авна. ЗГ-ын үйл ажиллагаа, хөрөнгө оруулалтын хөтөлбөрт хэрэгжих боломжгүй төслүүдийг баталдаг байдлыг зогсоох хэрэгтэй. Тиймээс ирэх оны төсөвт зураг төсөвгүй, ТЭЗҮ-гүй, 14 шалгуур үзүүлэлтийг даваагүй төслүүдийг огт суулгахгүй" гэлээ.
