Сэлэнгэ аймагт хээрийн түймэр гарч 21 га талбай шатсан байна. Энэ бол урьдилсан байдлаар тогтоосон дүн болохыг онцгой байдлын газраас мэдээлэв. Тус газрын мэдээлэлд дурдсанаар Баянгол сумын гуравдугаар багийн Урт хамар гэх газар /аймгийн төвөөс урд зүгт 187 км, сумын төвөөс зүүн урд зүгт 20 км/ хээрийн гал түймэр гарч байна гэсэн дуудлага өчигдөр 13:18 цагь бүртгэгджээ. Энэ дагуу аймгийн онцгой байдлын газрын Баянгол сум дахь 40 дүгээр ангийн алба хаагчид, сумын Засаг даргын Тамгын газрын ажилчид, орон нутгийн иргэд хээрийн гал түймрийг унтраах ажиллагааг зохион байгуулан ажиллаж 14:15 цагт цурамд оруулан, 15:27 цагт бүрэн унтраасан байна.