Он гарсаар /2024.08.22/ өнөөдрийн байдлаар нийслэлийн 9 дүүрэг, 14 аймгийн 21 суманд голын халианы усанд автсан, аадар борооны улмаас үерийн усанд автсан, гүний болон хөрсний шар усанд автсан нийт 387 удаагийн дуудлага, мэдээлэл бүртгэгдлээ.
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэн, 1018 амь насыг аварч, үерийн усанд автсан аж ахуй нэгж, байгууллага, иргэний 177 барилга байшин, 311 гэр, 168 хашаа саравч, 35 автомашин, 25 автозамын байгууламжийг эрсдэлээс хамгааллаа.
Мөн 40 орчим нийтийн эзэмшлийн талбай, төмөр зам, цэвэр ус, цахилгааны эрчим хүчний байгууламж, эрчим хүчний тулгуур багана болон 55 орон сууцны зоорийн давхар усанд автсаныг аюулгүй болголоо.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!