"Улаанбаатар төмөр зам” ХНН үүсэж хөгжсөнөөс хойш 75 жилийн хугацаанд нийт 809 сая тонн ачаа тээж, 148.2 сая зорчигчдод үйлчилсэн бол сүүлийн жилүүдэд “Монголын төмөр зам” ТӨХК, “Тавантолгой төмөр зам” ХХК, “Монголиан транс лайн” ХХК зэрэг үндэсний төмөр замын тээвэрлэгчид өөрсдийн суурь бүтэц дээгүүр тээвэрлэсэн ачаа нэмэгдсэнээр төмөр замаар тээсэн нийт ачааны хэмжээ 812.8 сая тоннд хүрчээ.
2023 онд төмөр замын ачаа тээврийн хэмжээ 36.1 сая тоннд хүрч түүхэн дээд үзүүлэлтийг тогтоосон бол 1992 онд төмөр замын зорчигчдын тоо 4.48 сая болж түүхэн дээд үзүүлэлтийг үзүүлж байжээ.
