"Парис-2024" зуны XXXIII олимпын наадмын чөлөөт бөхийн эрэгтэйчүүдийн 65 кг-ын жинд МУГТ Т.Тулга хүрэл медалийн төлөө Порто Рикогийн бөхтэй барилдаж, ялагдал хүлээсэн билээ. Тэгвэл тэрбээр өөрийн цахим хуудсаараа дамжуулан ийнхүү сэтгэгдлээ илэрхийлжээ. Тэрбээр,
"Парис-2024 олимпын наадам өндөрлөв. Өнөөдөр ялж, ялагдсан ч амьдрал үргэлжилдгээрээ үргэлжилж байна. Алдсан алдааг эргүүлж чадахгүйгээс хойш маргаашдаа анхаарлаа хандуулж байна.
Бэлтгэл сургуулилт, амралт, сэргэлт, хоол зүй, сэтгэл зүй бүх зүйл бэлэн байсан ч хараахан хүссэн зүйлдээ хүрч чадсангүй ээ. Энэ хүртэл минь бүх талаар дэмжсэн тусалсан бүхий л сайхан сэтгэлт хүмүүсдээ талархаж байна.
Миний хувьд гомдох, буруутгах зүйл байхгүй ээ. Манай хамт олон энэ хүртэл бүх талаар тултал дэмжиж ажилсан. Удахгүй сайхан эргэн ирэлтээр уулзах болно оо" гэжээ.
Сэтгэгдэл (3)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!