УИХ-ын чуулганы нэгдсэн хуралдаан үргэлжилж байна. Хуралдаанаар Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуулийн төслийг хэлэлцэх эсэхийг хэлэлцлээ.

Энэ үеэр УИХ-ын гишүүн Ц.Сандаг-Очир "Бүрэн эрхийн хугацаандаа УИХ, Засгийн газар сайлуулж, муулсан ч гэсэн ЭЗХЯ-тай болсон. Анх нөхцөл байдал амаргүй байсан бол одоо эдийн засгийн өсөлт яриад, ард иргэдийн цалин, тэтгэврийг жилд 2 удаа нэмсэн. 1990 оноос хойш анх удаа улсын төсөв ашигтай гарсан. Эдийн засгийн өсөлтөөр дэлхийд тэргүүлэх хэмжээнд харагдаж байна" гэх байр суурийг илэрхийлсэн юм.