Монголд үндэсний сэтгүүлзүй үүсэж хөгжсөний 111 жилийн ой тохиож байна. Ойд зориулсан баярын хурал үргэлжилж байна. Энэ үеэр МУСГЗ, Яруу найрагч Ү.Хүрэлбаатар байр сууриа илэрхийлэв. Тэрбээр,
"Сэтгүүлзүй үүсэж хөгжсөний 111 жилийн ой тохиож байна. Би энэ салбарт өөдрөг сэтгэгдэлтэй байдаг. Монголын сэтгүүлзүй жам ёсоороо хөгжиж байна. Тодорхой түвшинд хүрсэн гэдэгтээ итгэлтэй байгаа. Гэхдээ сэтгүүлзүйн салбар цаг бүрт шинэ сорилтууд тавьж байдаг. Ийм сорилт бий болсон. Энэ нь цахим орчинтой холбоотой. Мэдээллийг олж авах, боловсруулах түгээх процесс хурдтай байгаа нь технологийн дэвшилттэй холбоотой. Сошиал орчинд түгж байгаа мэдээллээс мэргэжлийн сэтгүүлзүйн салбар ялгарах ёстой. Ийм шаардлага үүсэж байна" гэв.
