Ногоон автобусны мөрдөн шалгах үйл ажиллагааны талаар АТГ-аас мэдээлэл өглөө. Мэдээллийн үеэр, АТГ-ын хэвлэл мэдээлэл, олон нийттэй харилцах ажилтан, комиссар Н.Тэмүүлэн "АТГ болон ЦЕГ-ын хамтарсан ажлын хэсэг нийтийн холбоотой хэрэгт мөрдөн шалгах ажил явагдаж байна. Өнөөдрийн байдлаар, дөрвөн хүний 5 обьектод нэгжлэг хийх, мөрдөн шалгах ажиллагааг явуулсан. Одоогоор уг дөрвөн этгээдийг 48 цагийн хугацаагаар баривчилсан байна.

Мөрдөх байгууллагын зүгээс дээрх дөрвөн этгээдийг цаашид үргэлжлүүлэн цагдан хорих, таслан сэргийлэх арга хэмжээ авах үндэслэлтэй байна гэж үзээд холбогдох саналыг гаргасан. Прокурорын байгууллагаас саналыг үндэслэлтэй гэж үзвэл цаашид цагдан хорих, таслан сэргийлэх арга хэмжээ авах эсэхийг шүүхийн байгууллагаас шийддэг" гэлээ.

Мөн тэрбээр "БНСУ-ын "DAEWOO" корпорацийн холбогдох хүмүүсийг шалгаж байгаа. Тухайн улсын элчин сайдын яаманд мэдэгдэж, мэдүүлэг авах зэрэг бусад ажиллагаануудыг явуулж байна" гэлээ.