Эрүүл мэндийн яамнаас Ковид-19 халдварын тархалтын талаар ээлжит хэвлэлийн хурал хийж байна.

ЭМЯ-ны хэлтсийн дарга Д.Нарангэрэл: Ковид-19 халдвараар дэлхийн 216 улсад бүртгэгдэж, 7 сая 439 мянган хүн өвчилж, 417 мянган хүн нас барсан байна. Сүүлийн 24 цагийн дотор өвчлөл    , нас баралт 4 мянга гаруй хүнээр нэмэгдсэн байна. Өчигдөр Дэлхийн эрүүл мэндийн байгууллагын ерөнхий захирал хэлэхдээ шинэ төрлийн ковид-19 халдварын талаар олон шинэ зүйлтэй тулгарч байгаач цаашдаа ч суралцсаар байх хэрэгтэй байна гэв.

ОХУ-ын хувьд 24 цагийн дотор 8400 хүн шинээр өвчилсөн байна. Эрхүү хотод 182 хүнээр нэмэгдэж, нийт 3568 хүн халдвар авчээ.

Манай орны хувьд өчигдөр Нурсултан-175 зорчигч ирсэн 3 хүнийг ХӨСҮТ-д, 12 хүнийг цэргийн төв эмнэлэгт, үлдсэн хүнийг буудлуудад тусгаарласан. Ажиглалтанд 263 хүн шинээр орж, долоон хүн тусгаарлалтаас гарч гэрийн нөхцөлд ажиглалтанд байна. Нийт 1638 хүн байна.Тусгаарлах байранд 1-5 насны 38 хүүхэд, 18 жирэмсэн эмэгтэй, 65 архаг хууч өвчтэй хүн байна. Орон нутгийн чиглэлийн галт тэргэнд 11 эмч ажиллаж зорчигчдоос асуумж авч, ажиглалт хийснээс Ковид-19 илрээгүй.