Халдварт өвчин судлалын үндэсний төвөөс цаг үеийн асуудлаар мэдээлэл хийлээ. Энэ үеэр ХӨСҮТ-ийн Ерөнхий захирал Ц.Билэгтсайхан "Коронавируст халдварын нөхцөл байдал амаргүй байна. Ковид19-ийн шалтгаант нас баралт бүртгэгдээд эхэллээ. Иймээс вакцинжуулалтад хамрагдах шаардлага урган гарч байна. Шинэ жилийн арга хэмжээ халдварт өвчний эрсдлийг шууд нэмэгдүүлнэ. Иймээс иргэд маань өөрийн хариуцлагаа нэмэгдүүлж, аливаа арга хэмжээнд орохдоо, гадаад дотоодод зорчихдоо эрсдлээ тооцож, хариу арга хэмжээнүүдийг авах хэрэгтэй гэдгийг зөвлөмөөр байна" гэлээ.