Энэ сарын 17-ны өдрийн 19.33 цагийн орчимд нэг иргэн өөрийгөө шатаасан харамсалтай хэрэг гарсан. Тодруулбал, Сүхбаатар дүүргийн зургадугаар хороо, Сүхбаатарын хөшөөний баруун хойд хэсэгт нэг хүн өөрийгөө шатаачихлаа гэх мэдээлэл цагдаагийн байгууллагад бүртгэгджээ. Дуудлагын дагуу цагдаагийн албан хаагчид ажиллаж, өөрийгөө шатаасан иргэнийг ГССҮТ-д хүргэсэн аж.

Тус иргэн өдгөө Амилахуйн тасагт хэвтэн эмчлүүлж байна.

Тэгвэл эх сурвалжийн мэдээлж буйгаар өөрийгөө шатаасан иргэн нь 25 настай О гэгч байжээ. Тэрбээр мөрийтэй тоглодог байсан нь урьдчилсан байдлаар тогтоогдсон байна. Мөн өр төлбөрт орсны улмаас өөрийгөө шатаасан хэмээн мэдүүлжээ.

Тэрбээр ээжтэйгээ хоёулахнаа амьдардаг байжээ. Уг асуудлыг цагдаагийн байгууллага үргэлжлүүлэн шалгаж байна.