Засгийн газрын ээлжит хуралдаан үргэлжилж байна. Хуралдаанаас гарсан шийдвэрийн талаар холбогдох салбарын сайд нар танилцууллаа. Энэ үеэр Сангийн сайд Б.Жавхлан "Эрдэнэс Таван толгой" ХХК-ийн олборлолтыг ирэх сарын 1-нээс эхлүүлнэ. Экспорт дээр анхаарал тавина. Өнөөдрийг хүртэл хугацаанд Цагаан хад боомтын газарт ковидын асуудал эхлэхэд нийт 12 сая тонн нүүрс овоорсон байсан. Одоогийн байдлаар 5,4 сая тонн нүүрс байгаа. Нэг үеэ бодвол хоёр дахин багассан. Хэмжээ багасаад эхэлсэн тул олборлолтоо эхэлж, уртын тээврээ эхлүүлэхээр Засгийн газар шийдвэрлэлээ. Ингэснээр төсөвт орж ирэх орлого нэмэгдэнэ. Гэхдээ уртын тээвэр эхлүүлснээр боомтын асуудал шийдэгдчихлээ гэсэн үг биш" гэв.