Украины зүүн хэсгийн Донецк мужид буй ВВС-ийн Зүүн Европ дахь сурвалжлагч Сара Рэйнсфорд дөнгөж сая хүчтэй дэлбэрэлт сонссон гэж мэдэгдэв.

ОХУ-ын Ерөнхийлөгч Владимир Путин Украины Донбас мужид "цэргийн ажиллагаа" явуулахаа мэдэгдсэн юм. НҮБ-ын Аюулгүйн зөвлөл түүнийг эл үйлдлээ зогсоохыг шаардаж байгаа хэдий ч тэрбээр шийдвэрээсээ няцахгүй гэдгээ албан ёсоор мэдэгдсэн байна.

В.Путин пүрэв гарагийн өглөө зүүн Украин дахь байлдааны бүсэд байгаа Украины цэргүүдийг зэвсгээ хаяж, гэртээ буцахыг уриалсан байна. Цус урсгасан тохиолдолд Украиныг буруутгана гэж тэрбээр анхааруулсан байна.\

Эх сурвалж: BBC