Эрүүл мэндийн яамнаас коронавируст халдварын нөхцөл байдлын талаарх ээлжит мэдээллээ хийлээ. Энэ үеэр ХӨСҮТ-ийн захирал Ц.Билэгтсайхан "PCR болон түргэвчилсэн оношлуураар илрүүлгийг хийж байна. Омикрон хувилбарын үед илрэх шинж тэмдэг нь томуу, томуу төст өвчнийхтэй адил байгаа тул түргэвчилсэн шинжилгээгээр сөрөг гарч байгаа юм. PCR шинжилгээгээр батлагдсан тохиолдлуудыг бид мэдээлж байгаа. Халдвар томуу, томуу төст өвчинтэй холилдож байгаа учраас эерэг, сөрөг гарах тохиолдол байна гэж ойлгож болно. PCR шинжилгээнд эерэг илрэх хувь 30 хувьд хүрч, зургаа дахин нэмэгдсэн" гэлээ.