УИХ дахь АН-ын бүлгээс өнөөдөр /2021.10.18/ мэдээлэл хийлээ. Энэ үеэр УИХ дахь Ардчилсан намын бүлгийн дарга Д.Ганбат "УИХ-ын гишүүн Н.Ганибал, Ж.Батсуурь нар нь намын эсрэг үйл ажиллагааг удаа дараа явуулсан нь тогтоогдсон тул Үндсэн дүрмийн хорооны аравдугаар сарын 15-ны өдрийн тогтоолоор намын гишүүнээс дөрвөн жилийн хугацаатай хасах сахилгын шийтгэлийг оногдуулсан. Энэ талаар УИХ-ын дарга Г.Занданшатарт албан бичиг явуулсан. Бид бол Улсын Дээд шүүхэд бүртгэлтэй нам. Өнөөдрөөс эхлэн АН-ын бүлэг найман гишүүнтэйгээр үйл ажиллагаагаа явуулна" гэлээ.
