Цар тахлын улмаас гурван настнуудыг энэ жил цэцэрлэгт хамруулахгүй байгаа. Энэ нь эцэг эхчүүдэд хүндрэл үүсгэж, ажлаасаа чөлөө авах, ажлаа таслах зэрэг асуудал үүсгэж байгаа юм.

Гурван настнуудыг цэцэрлэгт хэзээ хамруулах талаар Нийслэлийн Засаг даргын орлогч Ж.Сандагсүрэнгээс тодруулахад "Өнөөдөр цэцэрлэгүүдийн нөхцөл байдалтай танилцсан. Цэцэрлэгийн хамрагдалт 60 орчим хувьтай байна. Гурван настнуудыг хамруулах талаар нийслэл дээр ямар нэгэн ажил хийгдээгүй байна. БШУЯ-наас чиглэл өгсний дараа хийгдэх байх" гэлээ.