“Дисней” компанийн уран бүтээл болох “Shang-chi Аnd the ten rings” кино Хойд Америкийн шилдэг киноны жагсаалтыг өнгөрсөн долоо хоногийн туршид тэргүүлсэн. Тус киноны гол дүрийг бүтээсэн Симу Лю нь нягтлан бодогч мэргэжилтэй бөгөөд Хятад Канад гаралтай жүжигчин юм. Түүнтэй Meng’er zhang , Awkwafina зэрэг жүжигчид хамтран тоглосон байна.

Дашрамд дурьдахад, уг бүтээл нь “Marvel”студийн цувралын анхны Ази супер баатартай кино бөгөөд өнгөрсөн долоо хоногт 34.7 сая ам долларын ашиг олсноор энэ долоо хоногт ч мөн тэргүүлсээр байна.

Мөн тус уран бүтээл АНУ, Канадын кино театруудад одоогийн байдлаар 144.5 сая ам долларын орлого олсон хэмээн Exhibitor Relations судалгааны байгууллагаас мэдээлжээ.

Б.Болортуяа