Өнөөдөр Паралимпын наадмын хүндийг өргөлтийн тэмцээн эхэлж байгаа билээ. Тэгвэл тус төрөлд манай улсын урдаа барьдаг тамирчин "Рио-2016" паралимпийн хүрэл медальт Э.Содномпилжээ эхний захиалгаа 241 кг-аар өгчээ.

Тодруулбал, Паралимпын дээд амжилт 238 кг бөгөөд Грекийн Павлос Мамалос "Рио-2016"-д тогтоогоод байсан юм. Харин манай тамирчны хувьд "Нурсултан-2019"-д 247 кг-ын жинг өргөж дэлхийн дээд амжилтыг тогтоож байсан бахдам түүхтэй.