Нийт нутгаар ойрын өдрүүдэд сэрүүсэж, бороо хур ихээр орж буй. Тэгвэл өчигдөр буюу наймдугаар сарын 21-нд Завхан аймгийн нутгаар цас хаялж, зарим сумдаар их хэмжээний цас орсон байна. Тодруулбал, өнгөрсөн шөнө Завхан аймгийн Эрдэнэхайрхан, Тэс, Цэцэн-Уул, Сонгино, Баянхайрхан сумдын нутгаар энэ өвлийн анхны цас орлоо. Тэс, Эрдэнэхайрхан 0 см, Цэцэн-Уул 3 см, Баянхайрхан 4 см, Сонгино 5 см цасан бүрхүүл тогтсон байна.
Малчид, иргэд, тариаланчид, хадланчдын анхааралд:
Наймдугаар сарын 22-нд буюу өнөөдөр төвийн аймгуудын нутгаар, маргааш буюу наймдугаар сарын 23-нд төвийн аймгуудын нутгийн өмнөд, говийн аймгуудын нутгийн хойд болон зүүн хэсгээр усархаг үргэлжилсэн хүйтэн бороо орж, нутгийн баруун хагаст салхитай байхыг анхааруулж байна.
