Нийслэлд үйл ажиллагаа явуулж буй хоол үйлдвэрлэл, үйлчилгээ, амралтын газар, саун, бассейн, фитнес, бялдаржуулах төв зэрэг байгууллагууд үйл ажиллагааг хэвийн явуулах нөхцөлийг бүрдүүлэх, халдвар хамгааллын дэглэм, ажлын байранд тавигдах тусгай нөхцөл шаардлагыг хангуулах, хяналт тавих, хүлээх хариуцлагатай холбоотой харилцааг зохицуулах зорилгоор аж ахуйн нэгжүүдтэй “Хариуцлагын гэрээ” байгуулж эхлээд буй. Хариуцлагын гэрээ байгуулсан аж, ахуйн нэгж, байгууллагууд үйл ажиллагааг хэвийн үргэлжлүүлэх боломж бүрдэх юм.

Тус хариуцлагын гэрээнд коронавирусийн вакцинд хамрагдаж 14 хоног өнгөрсөн иргэдэд үйлчлэх шаардлагыг тавьж буй. Ингэхдээ e-Mongolia.mn болон qr.ulaanbaatar.mn системийг ашиглан үйлчлүүлэгчдийн вакцины гэрчилгээг шалгаж, вакциндаа бүрэн хамрагдаж, 14 хоног өнгөрсөн иргэнийг нэвтрүүлэх боломжтой аж.