АНУ-ын Массачусетс мужийн Провинтаун хотын иргэн 56 настай Майкл Пакард хэмээх шумбагч эр аварга халимд бариулан амны хөндий хэсэгт нь 30-40 секунд орчим гацсан хэдий ч эсэн мэнд гарч иржээ.

Пакард энэ талаар өөрийн цахим хаягтаа "Тэр гадарга дээр гарч намайг нулимж хаяхаас өмнө би 30-40 секундын турш түүний аманд байсан. Би маш их хөхөрсөн ч яс хугараагүй байна" гэжээ.

Мөн тэрбээр орон нутгийн хэвлэлд өгсөн ярилцлагадаа,
"Би гэнэтхэн л халимны аман дотор байгаагаа мэдсэн. Тэр үед би ингээд л дууслаа. Бүх зүйл ингээд л дууслаа гэж бодож байсан" гэжээ.