Өнгөрсөн 24 цагийн хугацаанд найман хүн коронавируст халдварын хүндрэлээр нас барсан талаар Эрүүл мэндийн яамнаас мэдээллээ. Энэ талаар ЭМЯ-ны хэвлэлийн төлөөлөгч Б.Ууганбаяр хэлэхдээ “Улсын хэмжээнд коронавируст халдварын шалтгаант нас баралт наймаар нэмэгдлээ.

Нас барсан хүмүүсийн тухайд,

• Гуравдугаар сарын 24-нд онош нь батлагдсан 78 настай эмэгтэй,
• Дөрөвдүгээр сарын 1-нд онош нь батлагдсан 57 настай эмэгтэй,
• Дөрөвдүгээр сарын 3-нд онош нь батлагдсан 75 настай эмэгтэй,
• Дөрөвдүгээр сарын 9-нд онош нь батлагдсан 51 настай эмэгтэй,
• Дөрөвдүгээр сарын 11-нд онош нь батлагдсан 58 настай эрэгтэй,
• Дөрөвдүгээр сарын 12-нд онош нь батлагдсан 65 настай эрэгтэй,
• Дөрөвдүгээр сарын 13-нд онош нь батлагдсан 53 настай эмэгтэй,
• Дөрөвдүгээр сарын 15-нд онош нь батлагдсан 70 настай эмэгтэй коронавируст халдварын нэн хүнд хэлбэрээр нас барсан байна.

  Цар тахлын улмаас нас барсан хүмүүсийн гэр бүл, төрөл төрөгсдөд гүн эмгэнэл илэрхийлье" гэв. Өнөөдрийн байдлаар улсын хэмжээнд коронавируст халдвар аваад нас барсан хүний тоо 96 болоод байна. Үүнээс 88 хүнийг уг өвчний хүндрэлээр нас барсан гэж ЭМЯ-наас мэдээлж байгаа бол 8 хүнийг хавсарсан өвчний улмаас нас барсан гэж үзэж байна.