Өнөөдрийн сүүлийн тоглолт Лос Анжелэс Лейкэрс Юта Жазз багуудын хооронд болж 114:89 харьцаатайгаар Юта хожлоо. Ютагийн залуус ээлжит жигд тоглолтоо үзүүлэн хожил байгууллаа. Тухайлбал Митчел, Гобер, Богданович, Конли, Кларксан, Фэйворс зэрэг тоглогчид 10-аас дээш оноо авсан ба тоглолтод оролцсон 13 тоглогчоос 9 нь нэмэх үзүүлэлттэй тогложээ. 

Лейкэрсээс Леброн Жэймс 19 оноо 4 дамжуулалт, Монтрез Харрел 16 оноо 6 самбар авчээ. Тэд дөрвөн тоглолтод дараалан ялагдал хүлээгээд буй бөгөөд сүүлийн зургаан тоглолтын тавд хожигджээ. Үүнийг багийн довтлогч Энтони Дэвисийн бэртэлтэй холбон тайлбарлаж байна. Тэдний дараагийн учраа Портланд Трэйл Блэйзэрс байх болно.