Нэгдсэн Үндэстний Байгууллагын Хөгжлийн хөтөлбөртэй хамтран хэрэгжүүлж буй “Монгол Улсын хууль сахиулах байгууллагад хүний эрх, жендерийн тэгш байдал, авлигын эсрэг үйл ажиллагааг дэмжих” төслийн хүрээнд “Шүүхийн шийдвэр гүйцэтгэх ажиллагаа ба хүний эрх, жендерийн тэгш байдал” сэдэвт зүүн бүсийн сургалтыг Хэнтий аймагт 2026 оны зургаадугаар сарын 18-ны өдрөөс хоёр хоногийн хугацаанд зохион байгуулж байна.

Энэхүү сургалтаар алба хаагчдын хүний эрхэд суурилсан хандлагыг Шүүхийн шийдвэр гүйцэтгэх ажиллагааны явцад төлөвшүүлж, хүний эрхийн талаар мэдлэг ойлголтыг сайжруулах, жендерийн мэдрэмжтэй, эрх тэгш оролцоог дэмжсэн хандлага, ур чадварыг нэмэгдүүлэх зорилготой бөгөөд харьяа 6 салбар нэгжийн 35 алба хаагч хамрагдаж байна.