Түүврийн аргаар 27 бөхөөс допингийн шинжилгээ авахад бүгд СӨРӨГ буюу хориотой бодисын илрэл тогтоогдоогүй байна. Тодруулбал, Монголын Үндэсний Бөхийн Холбооны санхүүжилтаар 20 шинжилгээ, Монголын Үндэсний Допингийн Эсрэг Байгууллагын хяналт шинжилгээний төлөвлөгөөний хүрээнд 7 буюу нийт 27 допингийн хяналтын сорьцыг үндэсний бөхийн тамирчдаас цуглуулсан байна.

Сорьц цуглуулах ажиллагааг өнгөрсөн гуравдугаар сарын 13-наас дөрөвдүгээр сарын 11-ний хооронд зорилтот болон түүврийн аргачлалаар зохион байгуулсан бөгөөд лабораторийн шинжилгээний хариугаар хориотой бодисын илрэл тогтоогдоогүй байна.

Мөн Дэлхийн Допингийн Эсрэг Агентлагаас баталсан 2026 оны TDSSA зааварчилгааны хүрээнд шээсний зарим сорьцод өсөлтийн даавар ялгаруулагч хүчин зүйл(GHRF) болон эритропоэтин (ERA)-ийн шинжилгээг нэмэлтээр гүйцэтгэжээ.