Хятад бүсгүй олон улсын миссийн тэмцээний үеэр "Mongolia" хэмээн хэлж буй бичлэг цахим орчинд тархаж, шүүмжлэл дагуулаад байгаа. Топ модель Х.Бадамгэрэл энэ асуудлаар шүүмжлэлтэй хандаж буйгаа илэрхийлсэн бөгөөд яг одоо Төрийн ордонд Соёл, спорт, аялал жуулчлал, залуучуудын сайд Ж.Алдаржавхлантай уулзаж буй.

Дээрх үйл явдалтай холбогдуулан ССАЖЗЯ-ны Соёл урлагийн бодлого зохицуулалтын газрын дарга Д.Наранцэцэг сэтгүүлчдэд тайлбар өглөө. Тэрбээр "Монголын нэрийг ашиглаж буй Хятадын миссийн иргэншлийг тогтоож, тэмцээнээс яаралтай хасуулах хүсэлтээ ЭСЯ, Консулын газарт хүргүүлсэн" гэв.