Монголын бүх ард түмний зуны спортын XVI наадам 2025 энэ сарын 15-21-нд Зөв шүүлт, шударга өрсөлдөөн уриан дор Баянхонгор аймаг болон Улаанбаатар хотод нэгэн зэрэг болно. Энэхүү наадмын шигшээ тэмцээнд 21 аймаг, есөн дүүргийн 291 дасгалжуулагчийн удирдлага дор нийт 3,258 тамирчин, спортын 28 төрлийн 210 зай, жин, ангилалд 879 багц медалийн төлөө өрсөлдөнө. Олимпын 16, олимпын бус 2, оюун ухааны 2, хөгжлийн бэрхшээлтэй иргэдийн 8 төрлөөр наадмыг зохионо.
Энэ наадам нь орон нутагт анх удаагаа зохион байгуулагдаж байгаагаараа онцлогтой бөгөөд Баянхонгор аймгийн 13 спортын заал, танхим ба нэг талбайд тэмцээнүүд явагдана. Харин Улаанбаатар хотод буудлага, байт харваа, хөнгөн атлетик ба паралимпын 8 спортын 11 төрлийн тэмцээнүүд болно.Тус Наадмын тэмцээнүүд нь энэ сарын 14-нд спортын гимнастикийн төрлөөр эхэлээд байна.
Т.Отгонзаяа
