Нийгэмд шударга ёсыг бэхжүүлэх, авлига, албан тушаалын гэмт хэрэгтэй тэмцэх ажлыг эрчимжүүлэх ажлын хэсэг өчигдөр хуралдсан. Хуралдааны үеэр ажлын хэсгийн ахлагч, ЗГХЭГ-ын Тэргүүн дэд дарга Д.Мөнх-Эрдэнэ "Бүртгэл нэртэй хүнд суртал, зөвшөөрлийн тогтолцоо бий болсон байна. Төрөөс 74 төрлийн зөвшөөрлийг хүчингүй болгосон боловч бүртгэл нэрээр эргэн сэргээж, аж ахуйн нэгжүүдэд хүндрэл учруулж байна. Иймээс хуулиар эрх олгоогүй дүрэм журам, захиргааны актуудыг хүчингүй болгох хэрэгтэй" гэв.