Нэр бүхий хотхоны хажуугийн шороон замд хоёр настай хүүхэд машинд дайруулсан, ухаангүй байна" гэх дуудлага мэдээлэл энэ сарын 23-ны 15.00 цагийн орчимд цагдаагийн байгууллагад бүртгэгджээ.

Тодруулбал, нэр бүхий иргэн "Тоёота приус" маркийн автомашин жолоодож явахдаа явган зорчигч хоёр настай хүүхдийг мөргөж, амь насыг нь хохироосон хэрэгт мөрдөн шалгах ажиллагаа явуулж, шалгалтын ажиллагааг үргэлжлүүлж байна.

Иймд замын хөдөлгөөний дүрмийг сайтар мөрдөж, бага насны хүүхдэд тавих хараа хяналтаа сайжруулахыг цагдаагийн байгууллагаас анхааруулж байна.