Өчигдөр хуралдсан МАН-ын Бага хурлаар АН-ыг хамтарсан Засгийн газраас гаргах шийдвэр гарсан. Уг шийдвэрийн талаар Ардчилсан намын дарга Л.Гантөмөрөөс тодрууллаа. Энэ үеэр тэрбээр улс төрийн хариуцлага хүлээж, намын даргын ажлаа өгнө гэдгээ хэлэв. Тэрбээр "Байгуулсан засаг нь уначихаар надад намын даргаараа үлдэх сэтгэл зүй, сонирхол алга. Тиймээс би хариуцлагаа хүлээнэ. Би Л.Оюун-Эрдэнэд, МАН-ын залуу үед итгэж байсан. Энэ мөчид итгэлээ тасалж байна. Дараагийн намын даргаар намаа хүчтэй, эвтэй байлгахад ур ухаан гаргадаг хүн байгаасай гэж хүсэж байна" гэлээ.
