Эдийн засагч Д.Ангар твиттертээ "Трамп өнөөдөр "Харилцан Тариф" гэсэн бодлогоо танилцууллаа. Бараг Монголоос бусад бүх улс тариф тавиуллаа. Вьетнам бол бүр арай шүү, 46%. Яг одоо Вьетнамчууд улс даяараа ярьж байга байх. Нөхдүүд жилдээ 140 гаруй тэрбум ам.долларын бараа Америк руу гаргадаг байж. Одоо уг нь гадныхан Монголд үйлдвэрээ нээгээд "Made in Mongolia" гээд Америк руу гаргавал "алах"-аар байна даа!" гэж твиттертээ жиргэлээ.

АНУ татварын арга хэмжээнүүдээ дөрөвдүгээр сард багтаан эхлүүлэхийг Д.Трамп мягмар гарагт конгресст тавьсан илтгэлдээ мэдэгдсэн билээ. Тэрээр бүтээгдэхүүнээ АНУ-д үйлдвэрлэдэггүй бол татвар төлөх л болно гэдгийг тодотгож, “Хэрвээ АНУ-ыг зах зээлээсээ шахахын тулд тарифын бус арга хэмжээ авч хэрэгжүүлсэн тохиолдолд бид ч мөн зах зээлээсээ шахах бодлого баримтална” гэсэн юм. Түүний илтгэлийг 36.6 сая гаруй хүн үзсэнийг Nielsen үнэлгээний агентлаг мэдээлсэн билээ. Энэ нь 2021 оны дөрөвдүгээр сард Ерөнхийлөгч асан Жо Байдены конгресст тавьсан анхны илтгэлийг үзсэн 26.9 сая хүнтэй харьцуулахад 36 хувиар өндөр үзүүлэлт болжээ.