Яг одоо Засгийн газрын ээлжит хуралдаан болж байна. Хуралдаанаар Төгрөг нуурын орд зэрэг 25 асуудлыг хэлэлцэхээр төлөвлөсөн. Тухайлбал,

-Монгол Улсын нутаг дэвсгэрээр дамжуулан Оросын Холбооны Улсаас Бүгд Найрамдах Хятад Ард Улс руу байгалийн хий нийлүүлэх хоолой барих төслийн явцын талаар

-Уул уурхайн бүтээгдэхүүний экспорт, валютын нөөцийн нөхцөл байдлын талаар

-Төмөр замын баруун, зүүн коридор байгуулах талаар

-Тавантолгойн дулааны цахилгаан станцын төслийн талаар

-“НҮБ-ын Хөгжлийн бэрхшээлтэй хүмүүсийн эрхийн хорооноос Монгол Улсад ирүүлсэн зөвлөмжийг 2025-2031 онд хэрэгжүүлэх үйл ажиллагааны төлөвлөгөө батлах тухай” Засгийн газрын тогтоолын төсөл

-Иргэдээс төрийн захиргааны төв болон нутгийн захиргааны байгууллага, албан тушаалтанд хандан 2024 онд гаргасан өргөдөл, гомдлын шийдвэрлэлтийн талаар асуудлыг хэлэлцэж байна.

Тэгвэл Засгийн газрын хуралдаанаас гарсан шийдвэрийн дараа намын бүлгүүд дээрх асуудлуудыг авч хэлэлцэх юм. Намын бүлгүүдийн хурлаас гарсан шийдвэрийг эргэн мэдээлэх болно.