УИХ-ын ээлжит чуулганаар Монгол Улсын 2025 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийн асуудлыг хэлэлцэж, соёлын ваучерын 18.3 тэрбум төгрөгийг төсвөөс хасах саналаар санал хураахад Ж.Баярмаа нарын 64 гишүүн дэмжээгүй юм. Харин энэ асуудалд УИХ-ын гишүүн Ж.Баярмаа санал хураалтын үеэр кноп ажиллаагүй хэмээн тайлбарласан байдаг. Тэгвэл УИХ-ын гишүүн Г.Дамдинням кноп ямар ч асуудалгүй ажиллаж байсан хэмээн цахим хуудсаараа жиргэв.
Тэрбээр "Соёлын ваучер 18 тэрбум дээр УИХ-ын санал хураах төхөөрөмж ямар ч асуудалгүй ажилласан шүү. Төхөөрөмж ажиллаагүй, горимын санал гаргасан энэ тэр юм болоогүй. Санал хураалт ил тод, яг энэ нөгөө соёлын асуудал гэж зарим гишүүд танхимд сануулж хэлсээр байгаад л санал хураалт болсон" гэв.
