Монгол улсын шигшээ болон “Улаанбаатар Амазонс” багийн тоглогч О.Хулан Азийн хамгийн том лигүүдийн нэг Хятадын эмэгтэйчүүдийн лигт "Ухань Шенфан" багаас тоглох гэрээ байгуулсан. Тэрбээр манай эмэгтэй тамирчдаас анх удаа лигонер тамирчнаар сонгогдсон юм.

О.Хулан "Ухань Шенфан" багтайгаа улирлын өмнөх хяналтын тоглолтуудаа өнгөрсөн долоо хоногт эхлүүлсэн байна. Одоогоор нийт гурван тоглолт хийсэн бөгөөд хоёр хожиж, нэг хожигдсон байна.

Хятадын мэргэжлийн сагсан бөмбөгийн эмэгтэйчүүдийн дээд лигт 19 баг өрсөлддөг бөгөөд “Ухань Шенфан” нь өнгөрсөн улиралд лигтээ 14 дүгээр байр эзэлжээ. Харин зуны аялан тоглолтод 12 тоглосноос найм хожиж, дөрөв хожигдсон байна.