"MEC" судалгааны байгууллагаас улстөрчид, намуудын рейтингийн талаарх судалгааны үр дүнг танилцууллаа. Улаанбаатар хотод оршин суудаг сонгуулийн насны 1750 иргэнээс аравдугаар сарын 16-21-ний өдрүүдэд санамсаргүй түүврийн аргаар судалгаа авчээ. Улмаар улс төрийн намууд, эвслийн үйл ажиллагааны үнэлгээгээр иргэд МАН тэргүүлж, АН, ХҮН удаалсан бол Үндэсний эвсэл, Иргэний зориг ногоон нам сүүл мушгижээ.

Өнгөрсөн долдугаар сараас хойш есдүгээр сартай харьцуулахад МАН-ын үйл ажиллагаанд өгөх иргэдийн үнэлгээ 0.4-өөр буурсан ч уг жагсаалтыг тэргүүлсэн хэвээр байна.

Харин бусад намуудын үнэлгээ 1.1-ээс 0.9 хүртэл унажээ.