УИХ-ын дарга Д.Амарбаясгалан, ХЗБХ-ны бүрэлдэхүүн Шүүхийн Ерөнхий зөвлөлд ажиллаж байна. Энэ үеэр Шүүхийн Ерөнхий зөвлөлийн дарга Л.Энхбилэг:

-Орон нутгийн шүүгч нар орон тоо дутуугаас болж бүрэлдэхүүнд явдаг. Бүрэлдэхүүнээс татгалзсанаас шалтгаалж орон нутагт томилолтоор ажилладаг. Шүүгч нар иргэдийн төлөөлөгч, шүүгчийн туслах, шүүгчийг хамгаалах цагдаа нартай явуулахад автомашин зайлшгүй хэрэгтэй.

Одоо манайд хэрэглэгдэж байгаа автомашины 69 хувь нь буюу 94 ширхэг автомашины ашиглалтын хугацаа нь дуусчихсан. Дууссан ч гэсэн төрийн өмчийн бодлого зохицуулалтын газар дахиж үнэлээд л ашиглуулаад байдаг.

Шүүхийн тээврийн хэрэгслийг парк шинэчлэхээр 2025 оны төсөвт тавьсан ч хасагдсан. Бид 1993 оноос хойших машиныг ашиглаж байна.