УИХ-ын чуулганы үдээс хойшхи хуралдаан үргэлжилж байна. Хуралдааны үеэр УИХ-ын гишүүн Б.Пүрэвдорж болон ЭЗХ-ийн сайд Ч.Хүрэлбаатар нар ам муруйв. Б.Пүрэвдорж "Бүсчилсэн хөгжил, бүсчилсэн тойрог гэдэг бол гадаадынхны саналаар бий болсон, сонгуулийн хуульд зориулагдсан ЖҮЖИГ" гэх байр суурийг илэрхийлсэн. Үүнтэй холбоотойгоор ЭЗХ-ийн сайд Ч.Хүрэлбаатар "Ингэж попроод яах вэ дээ. Та одоо зөвхөн Ховд аймгаас сонгогдохгүй шүү. Та Увс, Говь-Алтай, Завхан аймгаас сонгогдоно шүү. Бүсчилсэн хөгжлийн талаар аймгуудад ярьж байсан зүйл чинь жүжиг юм уу" гэв.