Хянан шалгах Түр хорооноос зарласан нүүрсний хоёр дахь шатны сонсгол дөрөв дэх өдрөө үргэлжилж байна. Өнөөдрийн сонсголоор Тавантолгой-Зүүнбаян чиглэлийн төмөр замын бүтээн байгуулалтын талаар мэдээллийг сонсож буй.

Энэ үеэр Түр хорооны дарга Б.Энхбаяр, "Хямд зардлаар, өөрсдийн цэргүүдийг оролцуулж төмөр зам барьж байгаа гэж хэлж байсан. Гэтэл нийт ажлын 11.8 хувийг л цэргүүдээр гүйцэтгүүлж, 88 хувийг компаниуд хийсэн. Зэвсэгт хүчнээр хаацайлж улсын нууцад хамаатуулж бүх асуудлаа хийсэн нөхцөл байдал тогтоогдож байна" гэв.