Нүүрсний сонсголын эхний шатны сонсгол /2023.12.06/ гурав дахь өдрөө Төрийн ордонд үргэлжилж байна. Сонсголоор Эрдэнэс Тавантолгой ХК-ийн үүсгэн байгуулагдсанаас хойшхи үйл ажиллагаа, санхүүгийн мэдээллийн талаар сонсож байна. Сонсголд гэрчээр дуудагдсан хүмүүсийн нэрс дунд ЭТТ ХК-ийн Гүйцэтгэх захирал асан Б.Ганхуяг байсан хэрнээ яагаад оролцуулаагүй талаар УИХ-ын гишүүн С.Ганбаатар тодруулахад Түр хорооны даргын зүгээс "ХЗДХ-ийн сайд, Түр хорооны даргын хувьд Б.Ганхуягийг цагдан хорих байрнаас өөрөө авч ирэх боломжгүй. Энэ тохиолдолд шүүгчийн шийдвэрийг өөрчилсөн хууль зүйн үр дагавар яригдана. Нөгөө талдаа энэ нь гэмт хэрэг болохоор байгаа" гэсэн юм.