Энэ мэдээ хуучирсан буюу 2023/12/06-нд нийтлэгдсэн мэдээ болно.

Гарцаар гарч явсан 12-13 насны хоёр охиныг мөргөж, нэгнийх нь аминд хүрсэн жолоочид 4 жил 6 сар хорих ял оноож, 184 сая төгрөг гаргуулахаар болжээ

Ангилал
 Хууль эрх зүй
Огноо
Унших
2 минут 25 секунд

Сонгинохайрхан дүүргийн 33 дугаар хороо, Тахилтын 4 дүгээр буудлын явган хүний гарцаар гарч явсан 12-13 насны хоёр охиныг "Тоёота Приус" маркийн тээврийн хэрэгсэл мөргөсөн байдаг. Улмаар ослын улмаас 12 настай охин ослын газарт амь насаа алдаж, 13 настай охин гэмтсэн.

Тэгвэл шүүхээс уг ослыг гаргасан жолоочид 4.6 жилийн хорих ял оноож, нас барсан охины ар гэрт сэтгэл санааны хохирол 171 сая төгрөг, гэмтсэн охины хохиролд 11 сая төгрөг гаргуулахаар болжээ.

Энэ тухай шүүхээс "Прокуророос М-ийг тээврийн хэрэгсэл жолоодон замын хөдөлгөөнд оролцохдоо тээврийн хэрэгслийн хурдыг хэтрүүлэн, явган хүний зохицуулдаггүй гарц руу ойртон ирэхдээ хурдаа хасаагүй, гарцаар гарч явсан явган зорчигчдод зогсож зам тавьж өгөөгүйн улмаас уг гарцаар гарч явсан насанд хүрээгүй хохирогч 2 хүүхдийг мөргөж, 1 хүүхдийн амь насыг хохироож, 1 хүүхдийн эрүүл мэндэд хүндэвтэр хохирол учруулсан гэмт хэрэг үйлдсэн гэж яллах дүгнэлт үйлдэж шүүхэд шилжүүлсэн.

Шүүхээс М-ийг авто тээврийн хэрэгслийн жолооч хөдөлгөөний аюулгүй байдлын тухай хууль, түүнд нийцүүлэн гаргасан захиргааны хэм хэмжээний акт болох Монгол Улсын Замын хөдөлгөөний дүрмийн заалтыг зөрчсөний улмаас 1 хүний амь нас хохироосон, 1 хүний эрүүл мэндэд хүндэвтэр гэмтэл учруулсан гэм буруутайд тооцсон.

М-ийн гэм буруутайд тооцогдсон хэрэг нь 1-5 жил хүртэл зорчих эрхийг хязгаарлах ял, эсхүл 1-5 жил хүртэл хорих ял оногдуулахаар хуульчлагдсан.

Хүндэвтэр гэмтэл учруулсан хохирогч хүүхдийн сэтгэл санааны болон бие мах бодид учруулсан хохиролд 11 сая төгрөг, амь хохирсон хүүхдийн ар гэрт сэтгэл санааны хохиролд 171 сая төгрөг тус тус шүүгдэгчээс гаргуулж, 04 жил 06 сарын хорих ял оногдуулж, тээврийн хэрэгсэл жолоодох эрхийг 5 жилээр хасаж шийдвэрлэлээ" гэлээ.

Н.Учрал: 120 хуульд нэмэлт, өөрчлөлт оруулж цахимжилтыг хурдасгах эсэх асуудлыг энэ 7 хоногт чуулганаар хэлэлцэнэ
Н.Учрал: 120 хуульд нэмэлт, өөрчлөлт оруулж цахимжилтыг хурдасгах эсэх асуудлыг энэ 7 хоногт чуулганаар хэлэлцэнэ
 
Х.Нямбаатар: З.Энхболд оо, Ойр орчмыг вирустуулж явахаар шүүх хуралдаа гутлаа тослоод, зангиагаа зүүгээд оч
Х.Нямбаатар: З.Энхболд оо, Ойр орчмыг вирустуулж явахаар шүүх хуралдаа гутлаа тослоод, зангиагаа зүүгээд оч
Энэ мэдээ хуучирсан буюу 2023/12/06-нд нийтлэгдсэн мэдээ болно.