АН-ын бүлгээс өнөөдөр мэдээлэл хийв. АН-ын дарга О.Цогтгэрэл "Өнөөдөр ковидын зарцуулалтын асуудлаар Ерөнхий сонсгол зохион байгуулах байсан. 10 их наядын хөтөлбөр дээр нэмээд 20 их наядын мөнгөн дүн бүхий асуудал яригдаж байгаа юм байна. Хөгжлийн банкны сонсголоор бол 1 их наядын асуудал ярьж байсан. Гэтэл түүнээс 20 дахин том мөнгөний асуудал яригдаж байна.

Иймээс ажлын хэсгийн гишүүд суугаад дүгнэлт хийх боломжгүй юм байна. Шинжээч томилж өгөөч гэж ЭЗБХ-нд хүссэн. Гэтэл ЭЗБХ хоёр долоо хоногийн өмнө ирц хүрээгүй гэх шалтгаанаар хуралдаагүй. Тиймээс шинжээч томилж, сонсголыг дахин томилж өг гэхэд бас хүлээж аваагүй.

Энэ сонсголыг асар чанаргүй, хийсэн нэр зүүгээд өнгөрөөх гээд байна. Төрийн байгууллагаас ирж байгаа мэдээлэл нь асар чанаргүй байна.

Эрүүл мэндийн салбарт ажиллаж байсан ажилтнууд бас бидэнд мэдээлэл өгсөөр байна" гэлээ.