Монголбанкны Ерөнхийлөгч Б.Лхагвасүрэн валютын ханштай холбоотой мэдээлэл өглөө. Тэрбээр Zarig.mn сайтад өгсөн ярилцлагадаа "Ханшийг тогтвортой байлгахын тулд валютын нөөцөөсөө их хэмжээний ам.доллар гаргах хүнд үе байна. Импорт их хэмжээгээр нэмэгдэж байгаа ч экспортын орлого хангалттай биш байна. Монголбанк нөөцөө нэмэгдүүлэх тал дээр илүү анхаарч байгаа. Төгрөг 15 хувь суларсан. Үүнээс цааш сулрах орон зай байхгүй. Ханш бол эрэлт нийлүүлэлтийн тэнцвэрийн цэг.
Зээлийн хүүг хатууруулж байгаа нь ААН-үүдэд төвөгтэй нөхцөл үүсгэж болох ч инфляц болон ханшийг богино хугацаанд тогтворжуулахын тулд мөнгөний бодлогыг хатууруулсан."гэв.
