Цагдаагийн байгууллагад энэ сарын 7-ны өдрийн 16 цагт Баянгол дүүргийн нутаг дэвсгэрт "Автомашин худалдаж авахаар мөнгө шилжүүлэн өгч залилуулсан" гэх дуудлага мэдээлэл бүртгэгджээ. Дуудлагын дагуу тус дүүрэг дэх цагдаагийн газрын хоёрдугаар хэлтэс шалгалтын ажиллагаа явуулахад 36 настай Э нь Баянзүрх дүүрэгт оршин суух хаягтай И гэгчээс тээврийн хэрэгсэл худалдан авахаар нэр бүхий данс руу их хэмжээний мөнгө шилжүүлэн залилуулсан байсныг олж тогтоон мөрдөн шалгах ажиллагааг үргэлжлүүлж байна.